मुक्ताईनगरातील एका शाळेत पालक व संचालक यांच्यात तणाव
जळगांव Bharat Live News Media वृत्तसेवा- मुक्ताईनगरातील एका शाळेतील संचालक व पालक वर्गामध्ये तणाव निर्माण होऊन दोघांनी परस्परांविरुद्ध पोलीस ठाण्यात गुन्हे दाखल केले आहेत. संचालकांवर पालकांनी ॲट्रॉसिटीचा गुन्हा दाखल केला आहे तर संचालकाने पालकाविरुद्ध हत्येची धमकी देण्याचा गुन्हा दाखल केला आहे.
नेमकं प्रकरण काय?
पोलिसांनी दिलेल्या माहितीनुसार, संतोष चिरंजीलाल टावरी हे शहरातील आदर्श इंग्लिश मीडियम स्कूलमध्ये संचालक आहे. त्यांनी दिलेल्या फिर्यादीवरून असे की, २० फेब्रुवारी रोजी त्यांच्या आदर्श इंग्लिश मीडियम स्कूलमध्ये गॅदरींगचा कार्यक्रम होता. स्टेजच्या मागे असलेल्या रूममध्ये शाळेतील विद्यार्थी व विद्यार्थीनी हे कार्यक्रमाकरिता लागणारे ड्रेस ठेवून तेथे गॅदरिंग करिता लागणारे ड्रेस बदलवित असताना महेंद्र प्रल्हाद उमाळे हा वारंवार स्टेजच्या मागे येत होता. तेव्हा संतोष टावरी यांनी महेंद्र उमाळे याला रोखले असता तो दारूच्या नशेत होता. त्यांने संतोष टावरी यांना शिवीगाळ केली आणि जीवेठार मारण्याची धमकी दिली. यासंदर्भात संतोष टावरी यांनी महेंद उमाळे यांच्या विरोधात गुन्हा दाखल केला.
ॲट्रासिटी ॲक्टनुसार गुन्हा
महेंद्र उमाळे यांने संतोष टावरी आणि बाळू राणे यांच्या विरोधात ॲट्रासिटीवरून तक्रार केली आहे. त्याच्या फिर्यादीवरून उमाळे यांचा मुलगा संतोष टावरी यांच्या शाळेत शिक्षण घेत असून शाळेत गॅदरीगचा कार्यक्रम ४ वाजता सुरू होणार होता. पण तो ७ वाजता सुरू झाला आणि रात्री १२ वाजता संपला. त्यावेळी महेंद्र उमाळे यांनी शाळेच्या मुख्यध्यापकांनी सांगितले की, एवढा वेळ पालक खाली बसू शकत नाही. तुम्ही पालकांकडून फी घेतात तर पाणी आणि खुर्चीचे नियोजन का केले नाही. याचा राग आल्यावरून संतोष टावरी यांनी जातीवाचक शब्द बोलून महेंद्र उमाळे यांना अपमानास्पद वागणूक दिली. त्याविरोधात उमाळे यांनी संतोष टावरी आणि बाळू राणे यांच्याविरोधात ॲट्रासिटी ॲक्टनुसार गुन्हा नोंदवला आहे.
हेही वाचा –
सात बिबटे पकडण्यात वन विभागाला यश; वनपरिक्षेत्र अधिकारी वैभव काकडे यांची माहिती
गोळीबार प्रकरण : निवृत्त मेजरच्या विरोधात शेतकरी संघटना आक्रमक
Nashik Lok Sabha Elections | मतदान केंद्रांवर वॉटरप्रुफ मंडपची तयारी, जिल्हा प्रशासनाला पावसाची धास्ती
