झारखंडमध्ये मंत्र्याच्या खासगी सचिवाच्या नोकराच्या घरात सापडलं ३० कोटींचं घबाड?

झारखंडमध्ये मंत्र्याच्या खासगी सचिवाच्या नोकराच्या घरात सापडलं ३० कोटींचं घबाड?

Bharat Live News Media ऑनलाईन डेस्क : सक्तवसुली संचालनालयाने (ED) सोमवारी झारखंडमधील रांची येथील अनेक ठिकाणी छापेमारी केली. या छापेमारीत मोठ्या प्रमाणात रोकड जप्त केली. येथील ग्रामीण विकास मंत्री आलमगीर आलम यांचे खासगी सचिव (PS) संजीव लाल यांच्या नोकराच्या घरातून ईडीने मोठ्या प्रमाणात रोकड जप्त केली. ही रक्कम २० ते ३० कोटी रुपयांच्या दरम्यान असल्याची माहिती सुत्रांनी दिली आहे. ही रक्कम इतकी मोठी आहे की ती मोजण्यासाठी मशीन मागवले आहे.
ED ने झारखंडमधील ग्रामीण विकास विभागाचे मुख्य अभियंता वीरेंद्र के. राम यांना फेब्रुवारी २०२३ मध्ये काही योजनांच्या अंमलबजावणीतील कथित अनियमिततेशी संबंधित मनी लाँड्रिंग प्रकरणात अटक केली होती.
अधिक माहितीनुसार, झारखंडमधील मंत्र्याचे खासगी सचिव संजीव लाल याच्या नोकराचे नाव जहांगीर असे आहे. त्याचा पगार केवळ १५ हजार रुपये आहे. पण जहांगीरच्या घरात मोठ्या प्रमाणात रोकड सापडली आहे. त्याच्या घरातून सोने जप्त करण्यात आले आहे. रोकड मोजण्यासाठी मशीन मागवले आहे. रोकड मोजल्यानंतर ती नेमकी किती आहे हे स्पष्ट होईल.
या प्रकरणाचे कनेक्शन झारखंड मुक्ती मोर्चाचे नेते आणि चंपाई सोरेन यांच्या सरकारमधील मंत्री आलमगीर आलम यांच्याशी आहे. त्यांचे खासगी सचिव संजीय लाल यांच्या नोकराच्या घरातून ही रक्कम जप्त करण्यात आली आहे.

#WATCH | Jharkhand: Huge amount of cash recovered from household help of Sanjiv Lal – PS to Jharkhand Rural Development minister Alamgir Alam – in ED raids at multiple locations in Ranchi in Virendra Ram case.
ED arrested Virendra K. Ram, the chief engineer at the Jharkhand… pic.twitter.com/1yoBFRvaLa
— ANI (@ANI) May 6, 2024