लखनौचा चेन्नईवर सुपर विजय; मार्कस स्टोयनिसची तुफानी शतकी खेळी
Bharat Live News Media ऑनलाईन डेस्क : मार्कस स्टोयनिस केलेल्या तुफानी शतकी खेळीच्या जोरावर लखनौने चेन्नईवर 6 गडी राखून विजय मिळवला. चेन्नईने दिलेल्या आव्हानाचा पाठलाग करताना निकोलस पुरन आणि दीपक हुडा यांनी स्टोयनिसला मोलाची साथ दिली. (CSK vs LSG)
तत्पूर्वी, लखनौने नाणेफेक जिंकून चेन्नईला फलंदाजी दिली. अजिंक्य रहाणे (1) व डॅरिल मिशेल (11) या दोन खेळाडूंना 49 धावांवर माघारी पाठवताना लखनौच्या के. एल. राहुल व दीपक हुडा यांनी अद्भुत झेल घेतले; पण त्यांच्या या मेहनतीवर चेन्नईचा कर्णधार ऋतुराजने पाणी फिरवले. रवींद्र जडेजा 19 चेंडूंत 16 धावांवर झेलबाद झाला. ऋतुराज दमदार फटकेबाजी करत होता. ऋतुराजला रोखणे लखनौला अवघड होऊन बसले होते. ‘सीएसके’साठी सलामीवीर म्हणून 2,000 हून अधिक धावा करणारा ऋतुराज पहिला फलंदाज ठरला. शिवम दुबने 16 व्या षटकात सलग 3 उत्तुंग षटकार खेचून ऋतुराजसह 24 चेंडूंत अर्धशतकी भागीदारी पूर्ण केली. ऋतुराजने पुढच्या षटकाची सुरुवात षटकाराने केली. (CSK vs LSG)
ऋतुराजने 56 चेंडूंत शतक पूर्ण केले आणि त्यात 11 चौकार व 3 षटकारांचा समावेश होता. सुरेश रैना, शेन वॉटसन व मुरली विजय यांच्यानंतर चेन्नईसाठी दोन शतके झळकावणारा तो चौथा फलंदाज ठरला. ऋतुराजचे हे टी-20 तील सहावे शतक ठरले आणि त्याने के. एल. राहुलच्या विक्रमाशी बरोबरी केली. सूर्यकुमार यादव व शुभमन गिल (5) यांना त्याने मागे टाकले. दुसर्या बाजूने शिवमनेही 22 चेंडूंत अर्धशतक पूर्ण केले. तो 27 चेंडूंत 3 चौकार व 7 षटकारांसह 66 धावांवर रन आऊट झाला. ऋतुराज 60 चेंडूंत 12 चौकार व 3 षटकारांसह 108 धावांवर नाबाद राहिला. धोनीने 1 चेंडूंत चार धावा करून चेन्नईला 4 बाद 210 धावांपर्यंत पोहोचवले.
That match-winning ROAR 🔥🔥
Highest successful IPL run-chase of all time in Chennai 🙌
Scorecard ▶️ https://t.co/MWcsF5FGoc#TATAIPL | #CSKvLSG pic.twitter.com/YS1Xvv3iW1
— IndianPremierLeague (@IPL) April 23, 2024
हेही वाचा :
सांगलीचे अपक्ष उमेदवार विशाल पाटील यांच्यावर कारवाई होणार, नाना पाटोलेंची माहिती
Kolhapur News : स्थगिती आदेश आला तोपर्यंत संसार उध्वस्त झाला… पेठवडगावात आजही कारवाई सुरूच
राज ठाकरे यांच्या विरुध्दचा खटला रद्दबातल; चिथावणीखोर भाषण केल्याचा पुरावाच नाही
