Bharat Live News Media ऑनलाईन डेस्‍क : कारागृहात विषप्रयोग झाल्‍यानेच मुख्तार अन्सारी याचा मृत्यू झाल्‍याचा आरोप त्याच्या नातेवाईकांनी केला होता. आता पोलिस सूत्रांनी दिलेल्‍या माहितीनुसार, मुख्तारच्या व्हिसेरा चाचणीचा अहवाल न्यायालयीन तपास पथकाकडे पाठवण्यात आला आहे. अहवालात विषाची पुष्टी झालेली नाही, असे वृत्त ‘अमर उजाला’ने दिले आहे . मुख्तार अन्सारी यांचा 28 मार्च रोजी रात्री उशिरा वैद्यकीय महाविद्यालयात उपचारादरम्यान मृत्यू झाला होता.
मुख्तारच्या कुटुंबीयांनी त्यांच्यावर तुरुंगात विष प्राशन केल्याचा आरोप केला होता. यावर प्रशासकीय व न्यायालयीन तपास पथके स्थापन करण्यात आली आहे. पोस्टमॉर्टम रिपोर्टमध्ये अन्सारी याचा मृत्यू हृदयविकाराच्या झटक्याने झाल्‍याचे पुष्टी झाल्यानंतरही व्हिसेरा तपासणीसाठी लखनौला पाठवण्यात आला होता.
लखनौहून व्हिसेरा अहवाल आला असून, तो न्यायालयीन तपास पथकाला देण्यात आल्याचे पोलिस सूत्रांचे म्हणणे आहे. मात्र, तपास पथकातील कोणीही अधिकारी यावर काहीही बोलण्यास तयार नाही. सुमारे 10 दिवसांपूर्वी मंडल कारागृहानंतर याप्रकरणी न्यायालयीन तपास पथकाने वैद्यकीय महाविद्यालयाचीही पाहणी केली होती. या पथकाने कॉलेज व्यवस्थापनाकडून माफियांच्या उपचाराचा बीएचटी अहवालही मागवला होता, मात्र त्याच्यावर उपचार करणाऱ्या 10 ते 12 डॉक्टरांची अद्याप चौकशी झालेली नाही. दरम्‍यान, प्रशासनाच्या तपास पथकाने मुख्तारच्या मृत्यूप्रकरणी सार्वजनिक नोटीस जारी केली होती, ज्यामध्ये असे म्हटले होते की, मृत्यूशी संबंधित कोणतीही व्यक्ती कोणतीही माहिती किंवा विधान देऊ शकते. मात्र अद्याप कोणीही आलेले नाही.
तुरुंगातून विशेष सुरक्षा हटवली
माफिया मुख्तारच्या मुक्कामाच्या वेळी बॅरेकशिवाय परिसराची सुरक्षाही कडक करण्यात आली होती. तपास पथकाने तुरुंग कर्मचारी आणि अधिकाऱ्यांची चौकशीही केली होती. यानंतर बॅरेकमध्ये तैनात असलेल्या जवानांना हटवण्यात आले. तुरुंग अधिकाऱ्यांच्या म्हणण्यानुसार निवडणुकीमुळे बळही हटवण्यात आले आहे.
माफिया मुख्‍तारचे साहित्‍य तुरुंगात सुरक्षित
मुख्तारचा मृत्यू झाल्यापासून त्याच्या कुटुंबातील एकही सदस्य बांदा येथे आलेला नाही. तुरुंग प्रशासनाच्या म्हणण्यानुसार, त्‍याचे कारागृहात असणारे सर्व साहिय सुरक्षित ठेवण्यात आले आहे, मात्र तपास पूर्ण झाल्यानंतरच ते कुटुंबीयांच्या ताब्यात दिले जाईल.
हेही वाचा :
उ. प्रदेशमधील माफिया मुख्तार अन्सारीला १० वर्षांची शिक्षा, ५ लाखांचा दंड
गँगस्टर मुख्तार अन्सारीची कारागृहात प्रकृती बिघडली, रुग्णालयात दाखल