ईडीने खटले दाखल केलेल्या २५ नेत्यांपैकी २३ नेते भाजपमध्ये- माकप
नवी दिल्ली, Bharat Live News Media वृत्तसेवा: “ईडीने ज्या २५ नेत्यांविरुद्ध खटले दाखल केले त्यापैकी २३ नेते आज पंतप्रधान नरेंद्र मोदींच्या पक्षात आहेत. त्यामुळे पंतप्रधान मोदींना लोकांना पटवून द्यावे लागत आहे की, त्यांचा पक्ष भारताने पाहिलेला सर्वात भ्रष्ट पक्ष नाही. इलेक्टोरल बॉंड्सच्या माध्यमातुन भाजपला मोठ्या प्रमाणात पैसे मिळाले. त्यामुळे भाजपचे नाव आता भारतीय बॉंड पक्ष आहे.” असे म्हणत मार्क्सवादी कम्युनिस्ट पक्षाने पंतप्रधान मोदींसह भाजपवर जोरदार टीका केली. (CPI-M Remark On ED)
गेले काही दिवस इलेक्टोरल बॉंड्सच्या मुद्द्यावरून भाजपवर टीका होत आहे. मार्क्सवादी कम्युनिस्ट पक्षाच्या नेत्या वृंदा करात यांनीही याच मुद्दयावरून पंतप्रधान मोदींसह भाजपवर जोरदार टीका केली आहे. वृंदा करात म्हणाल्या की, “मला पंतप्रधान मोदींबद्दल खूप सहानुभूती वाटते. ते लोकांना हे पटवून देण्याचा प्रयत्न करत आहेत की त्यांचा पक्ष भारताने पाहिलेला सर्वात भ्रष्ट पक्ष नाही. देशातील ३३ कंपन्या ज्यांची उलाढाल काही लाखांच्या पलीकडे नाही, ज्या सध्या नुकसानीत आहेत. त्यांनी ५३० कोटी रुपये इलेक्टोरल बॉंड्सच्या माध्यमातून राजकीय पक्षांना दिले. त्यापैकी ७५ टक्के पैसे भाजपला दिले.” असेही त्या म्हणाल्या. (CPI-M Remark On ED)
देशभरात होत असेलेल्या ईडीच्या कारवायांवरुनही वृंदा करात यांनी मोदी सरकारला लक्ष्य केले. “ईडीने ज्या २५ नेत्यांविरुद्ध खटले दाखल केले त्यापैकी २३ नेते आज पंतप्रधान नरेंद्र मोदींच्या पक्षात आहेत. पंतप्रधान नरेंद्र मोदी यांनी नारा दिला होता की, आम्ही भ्रष्टाचार मिटवू’ मात्र, आज परिस्थिती अशी आहे की ‘आमच्याकडे या आणि केसेस बंद करा,” असा घणाघातही त्यांनी केला. (CPI-M Remark On ED)
#WATCH | Delhi: CPI-M leader Brinda Karat says, “I feel quite a lot of sympathy for PM Modi that he is trying to convince people that his party is not the most corrupt party India has ever seen. His party name has now become, ‘Bharatiya Bond Party’. 33 companies who were running… pic.twitter.com/WUJPshJ0bx
— ANI (@ANI) April 8, 2024
हे ही वाचा:
Lok sabha election 2024 : PM मोदींच्या ‘मुस्लिम लीग’ वक्तव्याविरोधात काँग्रेसची निवडणूक आयोगाकडे धाव
Jalgaon Lok Sabha 2024 | लोकसभेला एसटी महामंडळ ‘लखपती’, 393 बसेस लागणार
PM Modi degree row: PM मोदी शैक्षणिक टिप्पणी प्रकरण: संजय सिंह यांना दिलासा नाहीच
Latest Marathi News ईडीने खटले दाखल केलेल्या २५ नेत्यांपैकी २३ नेते भाजपमध्ये- माकप Brought to You By : Bharat Live News Media.
