विधीमंडळाच्या लॉबीत शिंदे गटाचे आमदार आपआपसात भिडले
मुंबई, Bharat Live News Media ऑनलाईन : विधीमंडळाच्या लॉबीत शुक्रवारी शिंदे गटातील कर्जदचे आमदार महेंद्र थोरवे आणि मंत्री दादा भूसे आपआपसात भिडले. या दोघांच्यात वाद होऊन धक्काबुक्की झाल्याचे कळते. आमदार थोरवे यांचे मतदारसंघाचे काम होते. यावरुन त्यांचा दादा भूसे यांच्याशी वाद झाल्याचे समजते. पण असे काही घडले नसल्याचा दावा मंत्री शंभुराज देसाई यांनी केला आहे.
दोघे एकमेकांना भिडले, वाद झाला, असे काहीच घडले नाही. मोठ्या आवाजात बोलले म्हणजे वाद झाला का?. असा सवाल शंभुराज देसाई यांनी केला. ”मी दोघांनाही लॉबीत घेऊन गेलो. त्यांच्याशी चर्चा केली. उद्या आमदारांचे काम कसे मार्गी लावता येईल. यावर आम्ही चर्चा करु. त्यांचे काम मार्गी लावू. दोघांबरोबर मी होतो. दोघांच्यात वाद अथवा धक्काबुक्की झाली नाही,” असे त्यांनी म्हटले. दरम्यान, मुख्यमंत्री शिंदे यांनी यावर बोलणे टाळले.
Latest Marathi News विधीमंडळाच्या लॉबीत शिंदे गटाचे आमदार आपआपसात भिडले Brought to You By : Bharat Live News Media.
