लहुजींच्या स्मारकाचे काम लवकरच; मुख्यमंत्र्यांच्या हस्ते शनिवारी भूमिपूजन
पुणे : Bharat Live News Media वृत्तसेवा : लोकसभा निवडणुकीची आचारसंहिता लागण्यापूर्वी संगमवाडी येथील आद्य क्रांतिगुरू लहुजी वस्ताद साळवे स्मारकाचे काम सुरू करण्याचे नियोजन करण्यात आले असून, स्मारकाचे भूमिपूजन मुख्यमंत्री एकनाथ शिंदे यांच्या हस्ते शनिवारी (दि. 2 मार्च) होणार आहे. संगमवाडी येथील स. नं. 52 पार्ट, 54 पार्ट येथे आद्य क्रांतिगुरू लहुजी वस्ताद साळवे यांची समाधी आहे. या ठिकाणी लहुजींचे स्मारक करण्याची मागणी अनेक वर्षांपासून केली जात होती.
त्यानुसार महापालिकेने या ठिकाणी स्मारक साकारण्यासाठी आराखडा तयार करून निविदा काढली आहे. लोकसभा निवडणुकीची आचारसंहिता लागण्यापूर्वी स्मारकाचे भूमिपूजन करण्यात येणार आहे. हे भूमिपूजन शनिवारी आयोजित केले असून, या वेळी उपमुख्यमंत्री देवेंद्र फडणवीस, उपमुख्यमंत्री व पालकमंत्री अजित पवार, सहकारमंत्री दिलीप वळसे पाटील, उच्च व तंत्रशिक्षणमंत्री चंद्रकांत पाटील, विधान परिषदेच्या उपसभापती डॉ. नीलम गोर्‍हे, राज्यसभा सदस्या अ‍ॅड. वंदना चव्हाण प्रमुख पाहुणे म्हणून उपस्थित राहणार आहेत.
असे असेल प्रस्तावित स्मारक
लहुजींचा 35 फूट उंच पुतळा
समाधीवर मेघडंबरी
तीन मजल्यांची 120 गाड्यांसाठी पार्किंग व्यवस्था
बहुउद्देशीय सभागृह
कॅन्टीन, स्टाफ क्वार्टर इमारत (तळमजल्यासह तीन मजले)
पाच मजली मुलांसाठी होस्टेल
पाच मजली मुलींसाठी होस्टेल
म्युझियम व आर्ट गॅलरी
प्रशासकीय इमारत
दोन मजली शारीरिक प्रशिक्षण केंद्र
तीन मजली संशोधन व विकास केंद्र
सार्वजनिक स्वच्छतागृह
हेही वाचा
नाशिक | खासदार हेमंत गोडसेंची घरवापसी?
उरुळी-फुरसुंगीवर पुन्हा घोंघावणार कचर्‍याचे संकट !
70 खासगी रुग्णालयांना नोटिसा; पालिकेच्या आरोग्य विभागाची कारवाई
Latest Marathi News लहुजींच्या स्मारकाचे काम लवकरच; मुख्यमंत्र्यांच्या हस्ते शनिवारी भूमिपूजन Brought to You By : Bharat Live News Media.
