Bharat Live News Media ऑनलाईन डेस्क : उपमुख्यमंत्री अजित पवार यांच्या नेतृत्वाखाली राष्ट्रवादी काँग्रेसमध्ये फूट पडली. यानंतर अजित पवार गटाने पक्षाचे नाव आणि चिन्हावर दावा केला. दरम्यान, निवडणूक आयोगाने कागदपत्रांच्याआधारे अजित पवार यांचीच खरी राष्ट्रवादी काँग्रेस असल्याचे म्हटले. पुढे शरद पवार गटाला ‘राष्ट्रवादी काँग्रेस पक्ष – शरदचंद्र पवार’ असे नाव देण्यात आले. त्यानंतर त्यांना तुतारी हे नवीन चिन्ह देण्यात आले. दरम्यान, शरद पवार गटाचे नेते आमदार जितेंद्र आव्हाड यांनी ‘आम्ही सुचविलेले चिन्ह न देता, आयोगाने “तुतारी” दिले. या आयोगाकडून आम्हाला मिळालेल्या शुभेच्छाच असल्याचे आव्हाड यांनी म्हटले आहे. या संदर्भातील पोस्ट आव्हाड यांनी एक्स अकाऊंटवरून केली आहे. (NCP Sharad Pawar Symbol)
“तुतारी” चिन्ह देऊन आयोगाने आम्हाला शुभेच्छाच दिल्या- आव्हाड
आव्हाड यांनी पोस्यमध्ये म्हटले आहे की, “निवडणूक आयोगाकडे आम्ही ज्या तीन निशाणी सुचविल्या होत्या. त्यातील चिन्ह न देता आम्हाला त्यांनी “तुतारी” हे चिन्ह दिले. हे चिन्ह देऊन आयोगाने आम्हाला लढण्यासाठी शुभेच्छाच दिल्या आहेत, असेही आमदार जितेंद्र आव्हाड यांनी पोस्टमध्ये म्हटले आहे. (NCP Sharad Pawar Symbol)
तुम्ही युद्धाला उभे रहा आणि जिंका- हा आयोगाचा आमच्यासाठी संदेश
“तुतारी” हे चिन्ह आमच्या ‘राष्ट्रवादी काँग्रेस पक्ष – शरदचंद्र पवार’ गटासाठी ‘शुभसंकेत’ आहे. याबद्दल निवडणूक आयोगाचे आभार मानतो. कारण, त्यांनी सांकेतिक भाषेत ‘तुम्ही युद्धाला उभे रहा आणि जिंका’ असाच संदेश शरद पवार नावाच्या योद्ध्याला आणि त्यांच्या सैनिकांना “तुतारी” हे चिन्ह देऊन दिला आहे. (NCP Sharad Pawar Symbol)
निवडणूक आयोगाकडे आम्ही ज्या तीन निशाणी सुचविल्या होत्या. त्यातील चिन्ह न देता आम्हाला त्यांनी “तुतारी” हे चिन्ह दिले. लढण्यासाठी शुभेच्छाच दिल्या आहेत. हा आमच्यासाठी ‘शुभसंकेत’ आहे. याबद्दल निवडणूक आयोगाचे आभार मानतो. कारण, त्यांनी सांकेतिक भाषेत ‘तुम्ही युद्धाला उभे रहा आणि…
— Dr.Jitendra Awhad (@Awhadspeaks) February 23, 2024
हेही वाचा:
NCPSP | सावध ऐका पुढल्या हाका; ‘तुतारी’ चिन्हावर सुप्रिया सुळेंची पोस्ट चर्चेत
Sharad Pawar | ‘NCP-शरदचंद्र पवार’ हेच नाव तूर्त कायम, चिन्हाचे वाटप करा, पवारांच्या याचिकेवर SC चे निर्देश
NCP Sharad Pawar Symbol : मोठी बातमी! ‘तुतारी’ हे शरद पवार गटाचं नवं चिन्ह; निवडणूक आयोगाचा निर्णय
Latest Marathi News ‘तुतारी’ देऊन निवडणूक आयोगाने शुभेच्छाच दिल्या- आव्हाडांची पोस्ट चर्चेत Brought to You By : Bharat Live News Media.
