सोलापूर महापालिकेच्या ११५७ कोटींच्या अंदाज पत्रकास मान्यता
सोलापूर : Bharat Live News Media वृत्तसेवा : सोलापूर महापालिकेच्या सन २०२४ – २५ च्या अंदाजपत्रक स्थायी समितीने लेखाशिर्षांतर्गत काही किरकोळ फेर बदलासह आयुक्त तथा प्रशासकांना सादर केला. एकूण रक्कमेमध्ये कोणतेही बदल न करता ११५७.२२ कोटींच्या अंदाजपत्रकास प्रशासकांनी अंतिम मान्यता दिली.
आयुक्त शितल तेली उगले यांनी सन २०२४ – २५ च्या १ हजार १५७ कोटी २२ लाख रुपयांचे अंदाजपत्रक शुक्रवारी (दि. १६) सादर केले होते. स्थायी समितीने लेखाशिर्षांतर्गत काही किरकोळ फेर बदलासह आयुक्त यांनी सादर केलेल्या एकूण रक्कमेमध्ये कोणतेही बदल न करता ११५७.२२ कोटीच्या अंदाजपत्रकास मान्यता देवून मनपा सभेच्या मंजुरीसाठी शिफारस केली. त्यास मनपा सभेने अंतिम मान्यता दिली.
सन २०२४ – २५ च्या अंदाजपत्रकात मनपा उत्पन्न व खर्च ७१०.७२ कोटी रूपये, शासन अनुदान ३६९.७१ कोटी रूपये, कर्ज ७६.८० कोटी प्रमाणे सादर करण्यात आले होते. आयुक्त यांनी एकूण ११५७.२२ कोटीच्या सन २०२४ – २५ च्या अंदाजपत्रकास दि. २० फेब्रुवारी २०२४ रोजी स्थायी समितीने लेखाशिर्षांतर्गत काही किरकोळ फेर बदल केले. एकूण रक्कमेमध्ये कोणतेही बदल न करता ११५७.२२ कोटीच्या अंदाजपत्रकास मान्यता देवून मनपा सभेच्या मंजुरीसाठी शिफारस केली व त्यास मनपा सभेने अंतिम मान्यता दिली.
हेही वाचा
सोलापूर : धावत्या ट्रकमधून किमती मालाची चोरी; आंतरराज्य टोळीतील चौघांना अटक
परभणीचे डॉ. सदानंद भिसे यांची सोलापूर वैद्यकीय महाविद्यालयाच्या अधिष्ठातापदी निवड
सोलापूर : मराठा आरक्षणाला सामाजिक न्याय आंदोलन संघटनेचा पाठिंबा
Latest Marathi News सोलापूर महापालिकेच्या ११५७ कोटींच्या अंदाज पत्रकास मान्यता Brought to You By : Bharat Live News Media.
