भारताच्या पराभवावर पाकिस्तानचे क्रिकेटपटू काय म्हणाले?
पुढारी ऑनलाईन डेस्क : भारताचा पराभव करून ऑस्ट्रेलियाने सहाव्यांदा विश्वचषक जिंकला आहे. अहमदाबादच्या नरेंद्र मोदी स्टेडियमवर खेळल्या गेलेल्या अंतिम सामन्यात कांगारूंनी सहा गडी राखून विजय मिळवला. ऑस्ट्रेलियानेही भारताची सलग १० विजयांची मालिका खंडित केली. या सामन्यानंतर सोशल मीडियावर अनेक प्रतिक्रिया येत आहेत. त्याचवेळी पाकिस्तानचा कर्णधार बाबर आझमनेही अंतिम सामन्यानंतर पोस्ट केली आहे.
संबंधित बातम्या :
“खेळाडू, चाहते यांच्या यातना…” सचिन तेंडुलकरची भावनिक पोस्ट चर्चेत
‘आम्ही तुमच्या पाठीशी आहोत…’: पंतप्रधान मोदी
टीम इंडियाच्‍या मुख्‍य प्रशिक्षकपदी राहणार का? राहुल द्रविड म्हणाले…
भारताच्या पराभवावर पाकिस्तानच्या अनेक क्रिकेटपटूंनी प्रतिक्रिया दिल्या आहेत. कर्णधार बाबरने इंस्टाग्राम पोस्टमध्ये लिहिले की, ऑस्ट्रेलियाचे अभिनंदन! अंतिम फेरीत उत्कृष्ट कामगिरी केली.” वसीम अक्रमने लिहिले की, “वर्ल्ड चॅम्पियन बनल्याबद्दल ऑस्ट्रेलियाचे अभिनंदन. ऑसी ऑसी ऑसी ओये ओये ओये.” तसेच, त्याने या पोस्टमध्ये शनैराला टॅग केले आहे. शनैरा ही वसीम अक्रमची पत्नी आहे. ती ऑस्ट्रेलियन नागरिक आहे.
Congratulations Australia for becoming the world champions. Aussies Aussie Aussie oi oi oi . @iamShaniera
— Wasim Akram (@wasimakramlive) November 19, 2023
त्याचवेळी शोएब अख्तरने ट्विटरवर लिहिले की, ऑस्ट्रेलियाने सहाव्यांदा विश्वचषक जिंकला आहे. १९८७ पासून जिंकत आहेत. भारत फायनल पर्यंत सुदैवाने नाही तर चांगला खेळ करून पोहोचला होता. सलग १० सामने जिंकून झुंज देत टीम इंडिया तिथे पोहोचली. विकेट पाहून वाईट वाटले. मला वाटले की फायनलसाठी यापेक्षा चांगली विकेट असू शकते. विकेट थोडी वेगवान किंवा बाउन्स झाली असती, जर तुम्ही लाल मातीत सामना खेळला असता तर तुम्हाला टॉसवर इतके अवलंबून राहावे लागले नसते. नाणेफेक हरल्याबरोबर फिरकीपटूंकडून ऑस्ट्रेलियन फलंदाजांना अडकवू, असे त्यांना वाटले, ते होऊ शकले नाही. टीम इंडियाचा दृष्टिकोन मला आवडला नाही. भारताने विश्वचषक गमावला आहे. जर त्यांना कोणी रोखू शकत होते तर तो ऑस्ट्रेलियाच होता.
India has lost the World Cup. If there was anyone who could have stopped them, has stopped them. pic.twitter.com/WMIMbcmEaO
— Shoaib Akhtar (@shoaib100mph) November 19, 2023
वकार युनूसनेही ऑस्ट्रेलियाचा विजय साजरा केला. त्याने लिहिले- “तुम्हाला आधीही सांगितले होते. पॅट कमिन्स आणि त्याच्या सहकाऱ्यांचे अभिनंदन. ऑसी ऑसी ऑसी ओए ओए ओए.”
Told ya …
Congratulations 🎉 🎉@patcummins30 & the boys in yellow. “Aussie Aussie Aussie Oi! Oi’ Oi!” … #AUSvIND #WorldcupFinal 🏆 https://t.co/HZE8ZvNYqJ
— Waqar Younis (@waqyounis99) November 19, 2023
कामरान अकमलने आपल्या ट्विटर पोस्टमध्ये लिहिले की, विश्वचषक जिंकल्याबद्दल ऑस्ट्रेलियन संघाचे अभिनंदन. हा विश्वचषक तुमच्यासाठी चढ-उतारांनी भरलेला होता आणि शेवटी तुम्ही चॅम्पियन आहात. हार्दिक शुभेच्छा टीम इंडिया. या विश्वचषकात तुम्ही उत्कृष्ट क्रिकेट खेळलात.
Congratulations team Australia @CricketAus on winning world Cup so convincingly…This world cup has been a rollercoaster ride for u & in the end u guys are champions 👏🏻 Hard Luck team India @BCCI you guys played an outstanding cricket throughout this WC2023 #IndiaVsAustralia
— Kamran Akmal (@KamiAkmal23) November 19, 2023
मोहम्मद रिझवाननेही भारताच्या पराभवानंतर पोस्ट करत लिहिले – संपूर्ण विश्वचषकात भारताने ज्या प्रकारे क्रिकेट खेळले ते आश्चर्यकारक होते. पण ऑस्ट्रेलियाने अंतिम फेरीत उत्कृष्ट क्रिकेट खेळले. सहाव्यांदा वर्ल्ड चॅम्पियन झाल्याबद्दल ऑस्ट्रेलियाचे अभिनंदन.
The way India played cricket throughout the WC was amazing but Australia played perfect cricket in the final.
Congratulations Australia on becoming the World Champion sixth time. 🏆 pic.twitter.com/wLarvECita
— Muhammad Rizwan (@iMRizwanPak) November 19, 2023
पाकिस्तानचा नवीन टी २० कर्णधार शाहीन शाह आफ्रिदीने लिहिले- विश्वचषक विजेतेपद जिंकल्याबद्दल क्रिकेट ऑस्ट्रेलियाचे खूप खूप अभिनंदन. अंतिम दिवशी निश्चितपणे सर्वोत्तम संघ म्हणून उदयास आला. भारताचे नशीब वाईट होते, पण संपूर्ण स्पर्धेत संघाने चमकदार कामगिरी केली.
Many congrats to @CricketAus on winning the World Cup title. Surely the better team on the day 👏🏻
Hard luck India but the team played fantastically well throughout the tournament.
— Shaheen Shah Afridi (@iShaheenAfridi) November 19, 2023
पाकिस्तानचा माजी कर्णधार शोएब मलिकने लिहिले – ऑस्ट्रेलिया टीम जिंकण्यास पात्र आहे. टीम इंडियाने संपूर्ण विश्वचषकात चमकदार कामगिरी केली, पण मी नेहमी म्हणत आलो की ऑस्ट्रेलिया दबावाखाली सर्वोत्तम कामगिरी करते आणि अंतिम फेरीत त्यांनी ते पुन्हा एकदा सिद्ध केले.
– Well deserved win by team Australia, team India had an excellent run throughout the #ICCWorldCup2023 but I have always said that team Australia performs the best under pressure, and they proved that yet again today in the #CWC23Final pic.twitter.com/qPl6qwGMsX
— Shoaib Malik 🇵🇰 (@realshoaibmalik) November 19, 2023
हेही वाचा :
भारताच्या पराभवानंतर पंच रिचर्ड कॅटलबरोवर चाहते का भडकले?
विजयाचा उन्माद आणि बेधुंदी..! ऑस्ट्रेलियाच्या क्रिकेटपटूचे संतापजनक वर्तन
The post भारताच्या पराभवावर पाकिस्तानचे क्रिकेटपटू काय म्हणाले? appeared first on पुढारी.
पुढारी ऑनलाईन डेस्क : भारताचा पराभव करून ऑस्ट्रेलियाने सहाव्यांदा विश्वचषक जिंकला आहे. अहमदाबादच्या नरेंद्र मोदी स्टेडियमवर खेळल्या गेलेल्या अंतिम सामन्यात कांगारूंनी सहा गडी राखून विजय मिळवला. ऑस्ट्रेलियानेही भारताची सलग १० विजयांची मालिका खंडित केली. या सामन्यानंतर सोशल मीडियावर अनेक प्रतिक्रिया येत आहेत. त्याचवेळी पाकिस्तानचा कर्णधार बाबर आझमनेही अंतिम सामन्यानंतर पोस्ट केली आहे. संबंधित बातम्या : …
The post भारताच्या पराभवावर पाकिस्तानचे क्रिकेटपटू काय म्हणाले? appeared first on पुढारी.
