भारताच्या विजयात अनुक्षाची हॅट्ट्रिक

भारताच्या विजयात अनुक्षाची हॅट्ट्रिक

वृत्तसंस्था/ काठमांडू
16 वर्षाखालील वयोगटाच्या येथे सुरू असलेल्या महिलांच्या सॅफ चॅम्पियनशिप फुटबॉल स्पर्धेत भारतीय महिला फुटबॉल संघाने भूतानचा 7-0 अशा गोलफरकाने एकतर्फी पराभव केला. या सामन्यात भारतीय संघातील अनुक्षा कुमारीने शानदार हॅट्ट्रिक नोंदवली.
हझारीबागच्या 13 वर्षीय अनुक्षा कुमारीने उपकनिष्ठ टायर-1 स्पर्धेत आतापर्यंत दर्जेदार कामगिरी करताना 22 गोल नोंदवले आहेत. भूतानविरुद्धच्या सामन्यात तिने तीन गोल केले. भारतातर्फे पर्ल फर्नांडिसने 2 गोल तर श्वेता राणी आणि बदली खेळाडू अन्वीता रघुरामन यांनी प्रत्येकी एक गोल केला. या सामन्यात भारताने 14 मिनिटांच्या कालावधीत 4 गोल नोंदवले. या स्पर्धेत चार संघांचा समावेश आहे. यजमान नेपाळ आणि बांगलादेश हे या स्पर्धेत आघाडीवर असून त्यांच्यात 10 मार्च रोजी अंतिम सामना खेळवला जाईल.