तैवानमध्ये भूकंपाचे धक्के जाणवले, रिश्टर स्केलवर तीव्रता 6.1 मोजली गेली
तैवानमध्ये भूकंपाचे धक्के जाणवले आहेत. बेटावरील देशाच्या हवामान विभागाने दिलेल्या माहितीनुसार, शनिवारी तैवानच्या पूर्वेकडील काउंटी हुआलियनजवळ झालेल्या भूकंपाची तीव्रता रिश्टर स्केलवर 6.1 एवढी होती. राजधानी तैपेईतील अनेक इमारती भूकंपामुळे हादरल्याचं तिथल्या प्रशासनाने म्हटलं आहे. मात्र, नुकसानीचा कोणताही अहवाल प्राप्त झालेला नाही. हवामान खात्याने नोंदवले की भूकंपाचा केंद्रबिंदू 24.9 किमी (15.5 मैल) खोलीवर होता.
या महिन्याच्या सुरुवातीला हुआलियनमध्ये 7.2 तीव्रतेचा भूकंप झाला होता, त्यात 17 जणांचा मृत्यू झाला होता. तेव्हापासून येथे 1,000 हून अधिक हादरे बसले आहेत.
हवामान खात्याने दिलेल्या माहितीनुसार, भूकंपाचा केंद्रबिंदू देशाच्या पूर्व भागात होता. शनिवारी हाऊलिनला भूकंपाचा धक्का बसला. तैवानची राजधानी तैपेईमध्येही इमारती हादरताना दिसल्या. भूकंपाचा केंद्रबिंदू पृथ्वीच्या पृष्ठभागापासून 24.9 किलोमीटर खोलवर होता. सुरुवातीला कोणतीही जीवित किंवा वित्तहानी झाल्याचे वृत्त नाही.
तैवानमध्ये महिनाभरात एक हजाराहून अधिक भूकंपाचे धक्के जाणवले आहेत. या महिन्याच्या सुरुवातीला येथे 7.1 रिश्टर स्केल तीव्रतेचा भूकंप झाला होता, ज्यामध्ये 17 जणांना आपला जीव गमवावा लागला होता. तेव्हापासून तैवानची भूमी सतत हादरत आहे. शनिवारीही येथे 30 मिनिटांच्या अंतराने दोन भूकंपाचे धक्के जाणवले. यापैकी एकाची तीव्रता 6.1 आणि दुसऱ्याची तीव्रता 5.8 होती. दोन्ही भूकंपाचा केंद्रबिंदू जवळपास सारखाच होता, परंतु दुसऱ्या भूकंपाच्या केंद्राची खोली पृथ्वीच्या पृष्ठभागापासून 18.9 किलोमीटर खाली होती.
Edited By- Priya Dixit