बारामतीतील विजयानंतर अजित पवारांना मुख्यमंत्री करावे-पत्नी सुनेत्रा पवार यांचे वक्तव्य
Baramati News : महाराष्ट्र विधानसभा निवडणुकीच्या मतदानानंतर आज सकाळपासून मतमोजणी सुरू आहे. ताज्या ट्रेंडमध्ये राष्ट्रवादीचे नेते आणि महाराष्ट्राचे उपमुख्यमंत्री अजित पवार बारामती विधानसभा मतदारसंघातून आघाडीवर आहे. तसेच अजित पवार यांच्या या संभाव्य विजयाबद्दल त्यांच्या पत्नी सुनेत्रा पवार यांनी आनंद व्यक्त केला असून त्याबद्दल बारामतीकरांचे आभार मानले आहे.
ALSO READ: Maharashtra Election Result: महाराष्ट्रात निकालापूर्वी पोस्टर लागले, अजित पवार भावी मुख्यमंत्री होणार?
सुनेत्रा म्हणाल्या की, “अजित पवार, राष्ट्रवादी काँग्रेस, जनता आणि बारामतीसाठी हा खूप भाग्याचा दिवस आहे. अजित दादांना पाठिंबा दिल्याबद्दल मी बारामतीच्या जनतेचे आभार मानते.” यासोबतच हा विजय बारामतीच्या जनतेचा विजय असून, अजित पवार हे राज्याचे पुढील मुख्यमंत्री व्हावेत, अशी येथील जनतेची इच्छा असल्याचेही त्या म्हणाल्या.
#WATCH | Baramati, Maharashtra | As NCP leader & Maharashtra Deputy CM Ajit Pawar leads in Baramati, Sunetra Pawar says, “It is a very fortunate day for Ajit dada, NCP, for the public and Baramati. I thank the people of Baramati for extending their support to Ajit dada. This is… pic.twitter.com/SsOmwcXRZY
— ANI (@ANI) November 23, 2024
आज सकाळी जाहीर झालेल्या मतमोजणीच्या प्राथमिक निकालांनुसार, महायुती आघाडी 220 जागांवर आघाडीवर आहे, तर भारतीय जनता पक्ष (भाजप) महाराष्ट्रात 128 जागांवर आघाडीवर आहे. एकनाथ शिंदे यांच्या नेतृत्वाखालील शिवसेना (SHS) ५५ जागांसह दुसऱ्या क्रमांकावर आहे. महाराष्ट्राचे उपमुख्यमंत्री अजित पवार यांच्या नेतृत्वाखालील राष्ट्रवादी काँग्रेस पार्टी (NCP) 35 जागांवर आघाडीवर आहे, तर राष्ट्रीय युवा स्वाभिमान पक्ष (RSHYVSWBHM) 2 जागांवर आघाडीवर आहे.
Edited By- Dhanashri Naik