फॉर्च्युनर आणि दुचाकीची धडकत एका तरुणाचा मृत्यू ,राष्ट्रवादीच्या आमदाराच्या पुतण्याला अटक
पुणे -नाशिक मार्गावर आंबेगाव तालुक्यात मौजे एकलहरे गावाजवळ शनिवारी रात्री एका फॉर्च्युनर कार ने एका दुचाकीस्वाराला धडक दिली. त्यात 19 वर्षीय दुचाकीस्वाराचा मृत्यू झाल्याची घटना घडली आहे. ओम भालेराव असे या मयत तरुणाचे नाव आहे. या प्रकरणी आरोपी कार चालकाला अटक केली आहे.
पोलिसांनी दिलेल्या माहितीनुसार, कार राष्ट्रवादी काँग्रेसच्या आमदाराचा पुतणा चालवत होता.पुणे नाशिक महामार्गावर फॉर्च्युनर कार मंचर गावाला चुकीच्या दिशेने जात असताना त्याने समोरून येणाऱ्या दुचाकीस्वाराला धडक दिली. या अपघातात दुचाकीस्वार तरुण गंभीर जखमी झाला आणि दोघांच्या वाहनांचे मोठे नुकसान झाले. या अपघातात तरुण दुचाकीस्वाराचा मृत्यू झाला. कार चालकाला अटक करण्यात आली असून त्याच्यावर गुन्हा दाखल करण्यात आला आहे.
मंचर पोलीस ठाण्यात आरोपीच्या विरुद्ध भारतीय दंड संहिता कलम 304 अ आणि मोटार वाहन कायद्यानुसार गुन्हा दाखल करण्यात आला आहे. अपघाताच्या वेळी आरोपी दारूच्या नशेत नव्हता असे प्राथमिक तपासात निष्पन्न झाले असून त्याच्या रक्ताचे नमुने घेण्यात आले आहे.अहवालाची प्रतीक्षा आहे. या सम्पूर्ण घटनेवर आमदार म्हणाले, ही घटना दुर्देवी असून मी कोणत्याही चुकीच्या कामाचे समर्थन करणार नाही. पोलीस प्रकरणाचा पुढील तपास करत आहे.
Edited by – Priya Dixit