अरुणाचल प्रदेशात ट्रक दरीत पडल्याने मोठा अपघात, 3 जवान शहीद तर चार जखमी
अरुणाचल प्रदेशातील सुबनसिरी जिल्ह्यात ट्रक खोल दरीत कोसळून यामध्ये लष्कराचे तीन जवान ठार झाले तर चार जण जखमी झाले. तसेच इटानगर पोलिस अधिकारींनी सांगितले की, या अपघातात तिन्ही जवानांचा जागीच मृत्यू झाला तर चार जण जखमी झाले.
मिळालेल्या माहितीनुसार शहीद झालेले सैनिक लष्कराच्या पूर्व कमांडचे कर्मचारी होते. तसेच ईस्टर्न कमांडने आपल्या जवानांच्या मृत्यूबद्दल शोक व्यक्त केला आहे. हवालदार नखत सिंग, नाईक मुकेश कुमार आणि ग्रेनेडियर आशिष अशी शहीद जवानांची नावे आहेत.
तर या घटनेबद्दल शोक व्यक्त करताना लष्कराच्या पूर्व कमांडचे कमांडर लेफ्टनंट जनरल आरसी तिवारी म्हणाले, “शूर हवालदार नखत सिंग, एनके मुकेश कुमार आणि जीडीआर आशिष यांच्या दुःखद निधनाबद्दल मी तीव्र शोक व्यक्त करतो, ज्यांनी कर्तव्य बजावताना सर्वोच्च बलिदान दिले. अरुणाचल प्रदेश.” भारतीय लष्कर शोकाकुल कुटुंबियांच्या पाठीशी उभ आहे.
Edited By- Dhanashri Naik