गौरी-गणपती उत्सवासाठी बिना साखरेचे, पौष्टिक आणि झटपट होणारे ड्रायफ्रूट्स खजूर रोल बनवण्याची सोपी पाककृती जाणून घ्या…

 

साहित्य-

खजूर: २ कप (बिया काढलेले व बारीक चिरलेले किंवा मिक्सरवर जाडसर फिरवलेले)

मिश्र ड्रायफ्रूट्स: १ कप (काजू, बदाम, पिस्ता – बारीक तुकडे केलेले)

खसखस: २ चमचे

तूप: २ चमचे

वेलची आणि जायफळ पूड: १/२ चमचा

अंजीर (पर्यायी): ४-५ (बारीक चिरलेले)

 

कृती-

ड्रायफ्रूट्स भाजणे: कढईत १ चमचा तूप गरम करा. त्यात काजू, बदाम आणि पिस्त्याचे तुकडे मंद आचेवर २-३ मिनिटे खमंग भाजून एका प्लेटमध्ये काढून घ्या.

खसखस भाजणे: त्याच कढईत खसखस १ मिनिट मंद आचेवर हलकीशी भाजून घ्या आणि वेगळी काढून ठेवा.

खजूर शिजवणे: कढईत उरलेले १ चमचा तूप घाला. त्यात बारीक केलेले खजूर (व अंजीर वापरणार असाल तर ते) घालून मंद आचेवर सतत हलवत राहा. खजूर मऊ होईपर्यंत व त्याचा गोळा होईपर्यंत (सुमारे ४-५ मिनिटे) परता.

मिश्रण एकत्र करणे: खजूर मऊ झाल्यावर त्यात भाजलेले ड्रायफ्रूट्स आणि वेलची-जायफळ पूड घाला. सर्व साहित्य नीट एकत्र मिस्क करा आणि गॅस बंद करा.

रोल बनवणे: मिश्रण थोडे कोमट झाल्यावर हाताला हलके तूप लावा आणि मिश्रणाचा लांबट रोल (सिलिंडर आकार) तयार करा.

खसखसचे कोटिंग: बटर पेपर किंवा प्लॅस्टिक शीटवर भाजलेली खसखस (आणि हवे असल्यास बारीक पिस्त्याचे काप) पसरवा. तयार केलेला खजूर रोल यावर फिरवून खसखस रोलला सर्व बाजूने व्यवस्थित चिकटवून घ्या.

सेट करणे: रोल बटर पेपरमध्ये घट्ट गुंडाळून (Wrap करून) ३० ते ४० मिनिटांसाठी फ्रीजमध्ये ठेवा, ज्यामुळे तो छान सेट होईल.

कापणे: फ्रीजमधून रोल काढून त्याच्या सुरीने गोल चकत्या (वड्या) कापून घ्या. गणपती बाप्पा आणि गौरीच्या प्रसादासाठी पौष्टिक ड्रायफ्रूट्स खजूर रोल तयार आहे! हे रोल हवाबंद डब्यात १०-१५ दिवस छान टिकतात.

ALSO READ: चॉकलेट आणि खोबऱ्याची अप्रतिम जोडी: इन्स्टंट चॉकलेट कोकोनट लाडू Ganpati Naivedyam

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

ALSO READ: गणेशोत्सवात श्री गणेशाच्या नैवेद्यासाठी पौष्टिक आणि अत्यंत खुसखुशीत ”मखाना पाग बर्फी”

Edited By- Dhanashri Naik

ALSO READ: श्री गणेशाच्या नैवेद्यासाठी केशरी खव्याचे लाडू, गणपती उत्सवामध्ये नक्की ट्राय करा