व्हिएतनाममध्ये आपत्ती, पूर आणि भूस्खलनात41 जणांचा मृत्यू
व्हिएतनाममध्ये मुसळधार पावसाने कहर केला आहे. पूर आणि भूस्खलनात आतापर्यंत 41 जणांचा मृत्यू झाला आहे. अधिकाऱ्यांच्या म्हणण्यानुसार, मध्य व्हिएतनाममध्ये मुसळधार पावसामुळे भीषण पूर आणि भूस्खलन झाले असून, 41जणांचा मृत्यू झाला आहे. बचाव पथके अजूनही बाधित भागात काम करत आहेत, बुडालेल्या घरांच्या छतावर अडकलेल्या लोकांना वाचवण्याचा प्रयत्न करत आहेत.
ALSO READ: बांगलादेशला भूकंपाचा धक्का, कोलकातामध्येही भूकंपाचे धक्के जाणवले, रिश्टर स्केलवर तीव्रता 5.5 मोजली
गेल्या तीन दिवसांत या प्रदेशातील अनेक भागात 150 सेंटीमीटरपेक्षा जास्त पाऊस पडला आहे. व्हिएतनामच्या पर्यावरण मंत्रालयाने गुरुवारी सांगितले की सहा प्रांतांमध्ये मृत्यूची नोंद झाली आहे आणि नऊ बेपत्ता लोकांचा शोध सुरू आहे.
ALSO READ: पेरूमध्ये बस दरीत कोसळली, अनके प्रवाशांचा दुर्दैवी मृत्यू
52,000 हून अधिक घरे पाण्याखाली गेली आहेत, ज्यामुळे सुमारे 62,000 लोकांना स्थलांतर करावे लागले आहे. भूस्खलनामुळे अनेक प्रमुख रस्ते बंद झाले आहेत आणि जवळजवळ दहा लाख घरे वीजविहीन आहेत. अहवालात देशाच्या राष्ट्रीय जल-हवामान केंद्राच्या इशाराचा हवाला देण्यात आला आहे की ह्यू शहरापासून डाक लाक प्रांतापर्यंतच्या किनारी भागात पाण्याची पातळी 0.3 ते 0.6 मीटरने वाढण्याची शक्यता आहे.
ALSO READ: जपान : इवाते प्रांतात ६.७ तीव्रतेचा भूकंप
व्हिएतनामच्या हवामान खात्याने सांगितले की, मध्य किनारी प्रदेश, मध्य उंच प्रदेश आणि दक्षिणेकडील प्रदेशासह अनेक भागात मुसळधार पावसाचा अंदाज आहे, ज्यामुळे लहान नद्या आणि ओढ्यांमध्ये अचानक पूर, उतारांवर भूस्खलन आणि सखल शहरी आणि औद्योगिक भागात पूर येऊ शकतो.
Edited By – Priya Dixit