इराणमध्ये मिळाली सर्वात जुनी लिपस्टिक

इराणमध्ये मिळाली सर्वात जुनी लिपस्टिक

3600 वर्षांपूर्वी व्हायचा वापर
पुरातत्वतज्ञांना इराणच्या करमान प्रांतातीलव जिरॉफ्ट क्षेत्रात जगातील सर्वात जुनी लिपस्टिक सापडली आहे. या लिपस्टिकचा वापर 3600 वर्षांपूर्वी केला जायचा. हे कांस्य युगातील कॉस्मेटिक कलाकृती प्राचीन संस्कृती आणि लोटलेल्या काळातील सौंदर्य प्रथांची एक मोहक झलक प्रदान करते. या लिपस्टिकला वर्तमानात इराणच्या संग्रहालयाला ठेवण्यात आले आहे.
जिरॉफ्ट क्षेत्रात असलेल्या प्राचीन कब्रस्तानांमध्ये हलील नदीचे पाणी शिरल्यावर ही लिपस्टिक सापडली होती. या पूरामुळे थडग्यांमधून अनेक गोष्टी बाहेर पडल्या होत्या, ज्या स्थानिक लोकांनी लुटल्या होत्या. तरीही ही लिपस्टिक त्या ठिकाणी शिल्लक राहिली होती.
ही लिपस्टिक हेमेटाइट यासारख्या खनिजांद्वारे निर्माण एक लाल रंगाचा पदार्थ आहे, याला मॅगनीज आणि ब्राउनाइटद्वारे काळा रंग मिळवून देण्यात आला होता. यात थोड्या प्रमाणात गॅलेना आणि एंगलसाइट देखील आहे. 3600 वर्षे जुन्या लिपस्टिकचा रंग आणि रचना समकालीन लिपस्टिकशी बऱ्याचअंशी मिळतीजुळती आहे.