फातीमा देवीची मूर्ती देव्हाऱ्यातून बाजूला ठेवली

फातीमा देवीची मूर्ती देव्हाऱ्यातून बाजूला ठेवली

चिवला बीच परिसरातील घटनेने खळबळ ; पोलिसांकडून चौकशी सुरू
मालवण/प्रतिनिधी
मालवण शहरातील चिवला बीच येथील फातीमा देवीची मूर्ती अज्ञात व्यक्तीने देव्हाऱ्यातून काढून बाजूला ठेवल्याच्या घटनेने एकच खळबळ उडाली. धुरीवाडा, चिवला बीच येथील नागरिकांनी आणि खिस्ती बांधवांनी घटनेचा निषेध नोंदविला आहे. नागरिकांनी गर्दी करत सखोल तपास करण्याची मागणी केली आहे. दरम्यान , पोलिस निरीक्षक मारुती जगताप यांनी घटनास्थळी भेट देत तपास सुरू केला आहे. खिस्ती बांधवांनी फातीमा देवीची मूर्ती पुन्हा प्रार्थना करत धर्मगुरू यांच्या उपस्थितीत देव्हाऱ्यात बसविली‌. खिस्ती बांधवांनी पोलिसांना घटनेची माहिती देत चौकशी करण्याची मागणी केली आहे.