मुंबई-पुणे ट्रेन प्रवासाचा वेळ 20-30 मिनिटांनी कमी होणार

मुंबई-पुणे ट्रेन प्रवासाचा वेळ 20-30 मिनिटांनी कमी होणार

पुणे (pune) -मुंबई (mumbai) दरम्यानच्या प्रवाशांसाठी एक आनंदाची बातमी, रेल्वे प्रवासाचा वेळ लवकरच 20-30 मिनिटांनी कमी होण्याची अपेक्षा आहे. इंडियन एक्स्प्रेसने दिलेल्या वृत्तानुसार, मध्य रेल्वे (central railway) सध्याच्या पुणे-मुंबई कनेक्शनसाठी खालच्या-ग्रेडियंट पर्यायी रेल्वे मार्गाची योजना आखण्यासाठी सर्वेक्षण करत आहे.”घाट विभागातील मुंबई आणि पुणे यांच्यातील सध्याच्या संरेखनाचा तीव्र उतार 1.37 आहे. ग्रेडियंट 1.100 पर्यंत कमी करणे हे या प्रकल्पाचे (project) उद्दिष्ट आहे,” असे मध्य रेल्वेचे मुख्य जनसंपर्क अधिकारी स्वप्नील नीला यांनी सांगितले. स्वप्नील नीला यांनी नमूद केल्यानुसार ग्रेडियंटमुळे घाटाच्या उंच उतारावरून गाड्या चालवताना बँकर लोकोमोटिव्हची गरज भासणार नाही. मात्र मालगाड्यांसाठी बँकर लोकोमोटिव्हची गरज भासू शकते,” असं ते पुढे म्हणाले.स्वप्नील नीला यांच्या मते, नवीन मार्ग सध्याच्या अलाइनमेंटपेक्षा लांब असेल परंतु ट्रेन चालविण्यासाठी अतिरिक्त इंजिन ताकदीची आवश्यकता नाही. ते पुढे म्हणाले की, सध्याच्या मार्गाच्या तुलनेत प्रवासाचा कालावधी कमी होऊ शकतो.तसेच मुंबई ते पुणे या दोन शहरांना जोडण्यासाठी कर्जत ते तळेगाव आणि कर्जत ते कामशेत असे दोन नवे मार्ग तयार करण्यासाठीचा प्रस्ताव आहे. या मार्गामुळे लोणावळा घाट टाळून पुणे गाठता येणार. तसेच मुंबई – पुण्याच्या प्रवासात अर्ध्या तासाची बचत होणार आहे. यासोबत 10 अतिरिक्त रेल्वेगाड्या देखील सुरू करण्यात येणार आहे. हेही वाचालोकल ट्रेनमध्ये मोटरमनच्या कॅबमध्ये तरुण अचानक शिरला आणि…मुंबई झाले खड्ड्यांचे शहर! 69 दिवसांत रस्त्यांवर 15000 खड्डे

Go to Source