सिंधुदुर्ग : कुडाळ विधानसभा मतदार संघातून शिवसेनेचे संजय आंग्रे रिंगणात उतरणार?
कुडाळ; Bharat Live News Media वृत्तसेवा : कुडाळ विधानसभा मतदार संघ हा शिवसेनेचा आहे. त्यामुळे या मतदार संघात शिवसेनेच्या तिकीटावर धनुष्यबाण या चिन्हावर शिवसेना जिल्हाप्रमुख संजय आंग्रे यांनी निवडणूक लढवावी, अशी शिवसेना पदाधिकारी, कार्यकर्त्यांची मागणी आहे. त्यामुळे कुडाळ मधुन संजय आंग्रे विधानसभा निवडणुकीच्या रिंगणात उतरतील, असा विश्वास शिवसेना शिंदे गटाचे नवनिर्वाचित जिल्हा संघटक रूपेश पावसकर यांनी व्यक्त केला आहे.
कुडाळ येथील एमआयडीसी रेस्ट हाऊस येथे सोमवारी घेतलेल्या पत्रकार परिषदेत पावसकर बोलत होते. यावेळी महिला जिल्हाप्रमुख वर्षा कुडाळकर यांच्यासह अन्य पदाधिकारी उपस्थित होते. यावेळी पावसकर म्हणाले की, येणार्या लोकसभा, विधानसभा निवडणुकीसाठी पक्ष संघटना बळकट करणे आवश्यक आहे. त्यामुळे जिल्ह्यातील आठही तालुक्यात शिवसेनेची संघटना मजबुत कशी होईल, त्यासाठी माझे प्रयत्न राहणार आहेत. लोकसभा व विधानसभा या दोन्ही निवडणुका शिवसेना धनुष्यबाण या चिन्हावर लढविल्या जाव्यात, अशी पदाधिकारी आणि कार्यकर्त्यांची मागणी आहे. कुडाळ विधानसभा मतदार संघातून तर जिल्हाप्रमुख संजय आंग्रे यांच्या नावाला अधिक पसंती आहे. याबाबत पदाधिकारी, कार्यकर्त्यांनी संघटनेच्या बैठकीत आंग्रे यांच्या नावाला पसंती दर्शविली आहे. कुडाळ विधानसभा मतदार संघात शिवसेनेचाच आमदार असणार ही काळ्या दगडावरची रेख असल्याचे पावसकर यांनी सांगितले.
हेही वाचा :
सिंधुदुर्ग : रस्ता भूमिपूजनावरून डिगस येथे ठाकरे गट – भाजप कार्यकर्त्यांमध्ये धक्काबुक्की
सिंधुदुर्ग: विजघर परिसरात टस्कराचा हैदोस; केळी, माड, सुपारीची झाडे उद्ध्वस्त
कोल्हापूर व सिंधुदुर्गला जोडणाऱ्या सोनवडे घाटमार्गाच्या भूसंपादनासाठी ५ कोटी मंजूर
Latest Marathi News सिंधुदुर्ग : कुडाळ विधानसभा मतदार संघातून शिवसेनेचे संजय आंग्रे रिंगणात उतरणार? Brought to You By : Bharat Live News Media.
