Live : मिझोरममध्ये मतमोजणीला सुरुवात
पुढारी ऑनलाईन डेस्क : लोकसभेची सेमी फायनल समजल्या जाणाऱ्या पाच राज्यांच्या निवडणूकीपैकी मिझोरम विधानसभेची आज मतमोजणी होत आहे. मिझोरममध्ये मुख्य लढत झोराम पीपल्स मूव्हमेंट (ZPM) आणि मिझो नॅशनल फ्रंट (MNF) यांच्यात होणार आहे. १९८४ पासून, मिझोरममध्ये कधी काँग्रेस तर कधी मिझो नॅशनल फ्रंट (MNF) सत्तेत राहीला आहे.
मिझोरममध्ये ४० जागांसाठी मतमोजणी होत आहे. राज्यातील १३ मतमोजणी केंद्रे आणि ४० मतमोजणी हॉलमध्ये सकाळी 8 वाजता मतमोजणी सुरू झाली आहे. प्रथम पोस्टल मतपत्रिकांची मोजणी केली जात आहे. त्यानंतर ईव्हीएम मतदान मोजणी केली जाईल. ४००० हून अधिक मतमोजणी कर्मचारी आहेत. ३९९ ईव्हीएम टेबल आणि ५६ पोस्टल बॅलेट टेबल आहेत. मिझोराम विधानसभेचे मतदान ७ नोव्हेंबर रोजी पार पडले होते.
२०१८ निवडणूक निकाल
२०१८ च्या विधानसभा निवडणुकीत एमएनएफने २६ जागा जिंकल्या होत्या. झेडपीएमला ८ तर काँग्रेसला ५ जागा मिळाल्या होत्या. भाजपने एक जागा जिंकून आपले खाते उघडले होते. त्यानंतरच्या पोटनिवडणुकीत एमएनएफने आणखी दोन जागा जिंकल्या होत्या.
राज्यातील बहुमताचा आकडा २१
मिझोराममध्ये विधानसभेच्या एकूण ४० जागा आहेत. यातील एक जागा सर्वसाधारण प्रवर्गासाठी तर ३९ जागा एसटीसाठी (अनुसूचित जमाती) राखीव आहेत. राज्यात सरकार स्थापन करण्यासाठी कोणत्याही पक्षाला बहुमताचा आकडा २१ पार करावा लागणार आहे.
कोणत्या पक्षाचे किती उमेदवार?
MNF, ZPM आणि काँग्रेसने सर्व ४० जागांवर आपले उमेदवार उभे केले आहेत. भाजपचे २३, आम आदमी पार्टीचे ४ आणि २७ अपक्ष उमेदवार रिंगणात आहेत.
The post Live : मिझोरममध्ये मतमोजणीला सुरुवात appeared first on पुढारी.
पुढारी ऑनलाईन डेस्क : लोकसभेची सेमी फायनल समजल्या जाणाऱ्या पाच राज्यांच्या निवडणूकीपैकी मिझोरम विधानसभेची आज मतमोजणी होत आहे. मिझोरममध्ये मुख्य लढत झोराम पीपल्स मूव्हमेंट (ZPM) आणि मिझो नॅशनल फ्रंट (MNF) यांच्यात होणार आहे. १९८४ पासून, मिझोरममध्ये कधी काँग्रेस तर कधी मिझो नॅशनल फ्रंट (MNF) सत्तेत राहीला आहे. मिझोरममध्ये ४० जागांसाठी मतमोजणी होत आहे. राज्यातील १३ …
The post Live : मिझोरममध्ये मतमोजणीला सुरुवात appeared first on पुढारी.
